Тайландаас Монгол руу чиглэсэн залилан үйлдэж ₮1.1 тэрбумын хохирол учруулсан этгээдийг баривчилжээ
Цахим орчинд гэмт хэрэг үйлдэж, иргэдэд 1.1 тэрбум төгрөгийн хохирол учруулсан сэжигтэн Б-г шилжүүлэн авчирсан талаар Цагдаагийн Ерөнхий Газар (ЦЕГ)-аас мэдээллээ.
Тодруулбал ЦЕГ-ын Кибер гэмт хэрэгтэй тэмцэх газраас кибер орчинд Тайландын Хаант Улсаас Монгол Улсын иргэд рүү чиглэсэн хууль бусаар халдах, залилах гэмт хэрэг үйлддэг сэжигтэй этгээд Б-г олон улсад эрэн сурвалжлан арванхоёрдугаар сарын 22-ны өдөр ЦЕГ-ын Интерполын үндэсний төв товчоотой хамтран албадан авчрах ажлыг зохион байгуулж, шүүхийн зөвшөөрлөөр баривчилжээ.
Яллагдагч Б нь 2023 оноос хойш бусдын Фэйсбүүк хаягт хууль бусаар нэвтэрч, улмаар тухайн хакердсан Фэйсбүүк хаягаа ашиглан бусдаас "мөнгө зээлээч" гэх утга бүхий зурвас илгээж мөнгө шилжүүлэн авах, "бараа бүтээгдэхүүн худалдан борлуулна" гэх нэрийдлээр зохиомол байдлыг зориудаар бий болгон иргэдэд 1.1 тэрбум төгрөгийн хохирол учруулж залилах гэмт хэрэг үйлдсэн болох нь мөрдөн шалгах ажиллагаагаар тогтоогдсон. Иргэд та бүхнийг цахим орчинд үйлдэгдэж байгаа залилах гэмт хэргээс урьдчилан сэргийлж, бусдад хувийн мэдээлэл, захидал харилцааны нууцаа задруулахгүй байхыг цагдаагийн байгууллагаас анхаарууллаа.
Г. МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
нүүр зургииг ил болго
Үнэн бол хулгайчийн нүүрийг ил тавихгүй яасан юм. Дандаа худлаа сенсаци болгох юм тавихын
Манай Хуулийнхан хулгайч,гэмт хэрэгтнүүдийн эрхийг жигтэйхэн дээдлэдэг учраас нүүрийг нь ил гаргахгүй, муусайн хохирогчдод эрх гэж юу байдаг юм - хохино гэж тооцдог соц үeийн уламжлалтай
Зөв муу залилагчдыг
Хакердах гэх нь буруу. Хакдах
Монголоосоо хулгай хийгээд байгаа улс төрчдийг бариачээ юун тэрбум
Uvsiin hyrgasiin gantumuriin munhzul eruugiin hulgaich narsnii buus
Спортын төрлүүд дээр Bet бооцоо тавидаг юм л ажлуулдаг гар шдээ үхсэнийх нь залилан байхав тоглоод алдчаад залилууллаа гээд байгаа гаруудад харин арга хэмжээ авах хэрэгтэй