МАН-ын 100 жилийн ойг тэмдэглэх тогтоолын төслийг өргөн барив
Монгол Улсын Их Хурлын гишүүн, Хууль зүйн байнгын хорооны дарга С.Бямбацогт, Улсын Их Хурлын гишүүн, УИХ дахь АН-ын бүлгийн дарга Д.Ганбат нар “Монгол Улсад улс төрийн нам үүсэн байгуулагдсаны 100 жилийн ойг тэмдэглэх тухай" Улсын Их Хурлын тогтоолын төслийг өнөөдөр (2021.01.25) Улсын Их Хурлын дарга Г.Занданшатарт өргөн барилаа.
Монгол Улс анхдугаар Үндсэн хуулиа 1924 онд баталж, 1940, 1960 оны Үндсэн хуульд улс төрийн нам нийгмийн бүх байгууллыг удирдах гол хүчин болохыг тунхаглаж, улмаар 1990-ээд оноос нэг намаас олон намын тогтолцоо руу шилжин төлөвшиж, 1992 онд батлан хүчин төгөлдөр дагаж мөрдөж буй Үндсэн хуульд улс төрийн нам нь улсын хэмжээний бодлого дэвшүүлэн ажиллахыг хуульчилсан билээ.
Үндэсний тусгаар тогтнолыг сэргээх, хувьсгалт өөрчлөлт хийх үүднээс Монгол Улсад улс төрийн анхны нам болох Монгол Ардын Нам 1921 оны гуравдугаар сарын 1-ний өдөр байгуулагдсан түүхтэй. Энэ өдрийг “Эх орончдын өдөр" болгон нийтээр тэмдэглэхээр 2004 онд хуульчилсан. 2021 онд манай улсад улс төрийн нам анх байгуулагдсаны 100 жилийн ой тохиож байгаа нь монголчуудын XX зуунд олсон ололт, амжилт, гүйцэтгэсэн үүргийг дүгнэн, цаашдын зорилтыг тодорхойлох, Монгол Улсын хөгжил дэвшилд улс төрийн намын үүрэг оролцоо, намуудын хөгжил төлөвшлийг үнэлэн цэгнэхэд чухал ач холбогдолтой тул улсын хэмжээнд тэмдэглэх шаардлагатай гэж төсөл санаачлагчид үзжээ.
Иймд Хууль тоггоомжийн тухай хуулийн 6 дугаар зүйлд заасны дагуу “Монгол Улсад улс төрийн нам үүсэн байгуулагдсаны 100 жилийн ойг тэмдэглэх тухай" Улсын Их Хурлын тогтоолын төслийг боловсруулсан байна.
Тогтоолын төсөл 2 заалттай бөгөөд Монгол Улсад улс төрийн нам үүсэн байгуулагдсаны 100 жилийн ойг тэмдэглэх талаар арга хэмжээ авч хэрэгжүүлэхийг Засгийн газарт даалгаж, тогтоолын хэрэгжилтэд хяналт тавьж ажиллахыг холбогдох Байнгын хороодод даалгасан зохицуулалтыг тус тус тусгажээ.
Тогтоолын төсөл батлагдсанаар нийгэм, эдийн засаг, хууль зүйн аливаа сөрөг үр дагавар үүсэхгүй бөгөөд Монгол Улсын иргэд нийгмийн үнэт зүйлс, улс орныхоо тусгаар тогтнол, хөгжлийн төлөө эвлэлдэн нэгдэж, улс төрийн нам байгуулан ажиллаж хүрсэн амжилт, ололтын түүхийг баталгаажуулах, бэхжүүлэхэд чухал гэж төсөл санаачлагчид үзжээ гэж УИХ-ын Хэвлэл мэдээлэл, олон нийттэй харилцах хэлтсээс мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
МАН аРД ИРГЭД ЭЭ ЯДУУРУУЛЧИХААД ЮУН ОЙ МОЙ ВЭ
дарга нар индэр дээр суух баяр учир яаж ч байсан тэмдэглэнэ Индэр ийнхээ сууд�##�ын тоог нэмэхгүй бол булаац�##�даад сүйд болох вий
Баяр тэмдэглэн төсвөөс хэдэн төгрөг авах гээд МАН-АН хоёр хөтлөлцөөд ямар хурдан гүйж байх юм..
Гэтэл цаана чин гадаадын шүүхэд Рио Тинтогийн хэргийн хөөн хэлэлцэх хугацаа дуусах гээд ангийн нэг нөхөр чин өлсгөлөн зарлаж байхад бусад нь хээв нэг хурлаа хийгээд бүр баяр маяр гээд явж байдаг хөлдүү ямаан толгойнууд юмаа.
Хэдхэн жилийн дараа улсыг чин гадныхан юу ч үгүй болгоход энэ эрх дархаа эдлээд сууж байхыг харах үлдлээ.
Zurag deer piton yu hiij bga yum bol
Korona гээд тэмдэглэж болохгүй. Үндсэн хууль зөрчиж ажиллачихаад яаж ой тэмдэглэх вэ ?
ichmeer yum aa
Юун ой мой вэ? Иргэдээ ядууруулчихаөд, корона дотооддоо �##�даж, өчнөөн хүмүүсийн ажил амьдр�##�ыг хохироочихоод, засгаа хямруулчихаад юуны ой тэмдэглэх вэ? Ёс зүй гэж нэг юм байдаг даа
ичиж үхмээр, Ман гдг коммунист намыг 1990 онд татан буулгасан бол өнөөдөр ийм булайнуудын гарь орохгүй бсн даа...