Хүндийг өргөлтийн тамирчин, Шинэ Зеландын туйванч Лорел Хаббард “Токио-2020” олимпын наадамд оролцох эрх авсан нь олны анхаарлыг ихээхэн татаж байна. Учир нь тэрбээр трансжендер тамирчин.
Трансжендер тамирчин олимпын наадамд оролцох эрх авсан анхны тохиолдол учраас тэр.
Олон улсын олимпын хороо 2015 оноос тодорхой шалгуур, болзлыг нь хангасан трансжендер тамирчдыг олимпын наадамд оролцохыг зөвшөөрсөн. 43 настай Лорел Хаббарт энэхүү шаардлагыг хангаж, болзлыг нь хангасан анхны тамирчин боллоо.
Эмэгтэйчүүдийн 87 кг-д хүч сорьдог тэрбээр 2013 оноос өмнө эрэгтэйчүүдийн төрөлд өрсөлддөг байжээ.
Лорел Хаббард 2017 онд ДАШТ-д эмэгтэйчүүдтэй өрсөлдөөд мөнгөн медаль хүртэн, хоёр жилийн өмнө Номхон далайн орнуудын аварга шалгаруулах тэмцээнд түрүүлсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.