Жүдо бөхийн дэлхийн цуврал тэмцээн Тбилисийн их дуулга Гүрж улсад гуравдугаар сарын 22-д эхлэх бөгөөд дэлхийн 83 орны 557 тамирчин оролцоно.
Тэмцээнд Монголын шигшээ багийн 12 тамирчин зодоглохоор бүртгүүлсэн байна. Гүржийн нийслэлд дэлхийн чансааг тэргүүлэгч Канадын Кристиа Дегучи, Катерин Бушмин-Пинар, Жессика Климкайт Нидерландын Санн Ван Дике, Гүржийн Лаша Бекаури, Косовогийн Дистриа Красники, Лаура Фазлиу Хорватын Барбара Матич зэрэг шилдгүүд цуглажээ. Гурван өдөр үргэлжлэх тэмцээнд О.Цэцэнцэнгэл, Л.Энхрийлэн тэргүүтэй тамирчид барилдах бөгөөд 4 эрэгтэй, 8 эмэгтэй жүдоч оролцохоор бүртгүүлжээ.
Энэ сарын эхээр болсон Ташкентын их дуулгаас хүрэл медаль хүртсэн Л.Сосорбарам болон гуравдугаар сарын 10-нд болсон Австрийн Гран Прид оролцсон Г.Хэрлэн, Г.Одбаяр нар Гүржийг зориогүй байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.