Монгол Улсын Ерөнхий сайд Л.Оюун-Эрдэнэ Бүгд Найрамдах Хятад Ард Улсад ажлын айлчлал хийж, Хятадын олон улсын импортын VII ЭКСПО-д оролцохоор Шанхай хотноо хүрэлцэн очоод буй.
Энэхүү томилолтын талаарх цаг үеийн мэдээ мэдээллийг eguur.mn сайтын сурвалжлах баг тухай бүрд нь шууд дамжуулан хүргэж байгаа билээ. Мэдээллийг ЭНД ДАРЖ харна уу.
Мөн тус айлчлал, хэлэлцээрийн талаар БНХАУ-ын хэвлэлүүд мэдээлсээр байна. Тухайлбал, Хятад улс Монгол Улстай боомт холбох, ашигт малтмалын бүтээн байгуулалт, дэд бүтцийн бүтээн байгуулалт зэрэг салбарт хамтын ажиллагаагаа бэхжүүлэхэд бэлэн байна гэж Хятадын албан ёсны мэдээллийн Синьхуа агентлаг мэдээллээ.
Тус мэдээлэлд, “БНХАУ-ын Төрийн Зөвлөлийн Ерөнхий сайд Ли Цян Монгол Улсын Ерөнхий сайд Лувсаннамсрайн Оюун-Эрдэнэтэй мягмар гаригийн орой уулзахдаа, Хятад улс Монголд хөрөнгө оруулан илүү олон “мэргэшсэн аж ахуйн нэгж”-үүдийг дэмжиж, хариуд нь Хятадын пүүсүүдэд тогтвортой, таамаглаж болохуйц бизнесийн орчин бий болгоно гэж найдаж байна” гэжээ.
Мөн Хятадын төрийн агентлаг уулзалтын үеэр талуудын илэрхийлсэн байр суурийг мэдээлэв.
Тус уулзалтын үеэр Ли хэлэхдээ, хоёр орны төрийн тэргүүний стратегийн удирдлага дор Хятад, Монгол хоёр орон сүүлийн жилүүдэд хоёр орны харилцаа тогтвортой, тогтвортой эрч хүчийг хадгалсаар ирсэн. Хятад улс Монгол Улстай тогтоосон найрсаг хамтын ажиллагааг өндрөөр үнэлж, Монгол Улсыг хөрш орнуудын дипломат харилцааны тэргүүлэх чиглэл гэж үздэгээ тэмдэглэж, хоёр тал хоёр орны ард түмний сайн сайхны төлөө бодит хамтын ажиллагаагаа гүнзгийрүүлэх талаар хоёр орны төрийн тэргүүний тохиролцсон чухал нийтлэг ойлголтыг хэрэгжүүлэх ёстой гэжээ.
Хятад улс Монгол Улстай хөгжлийн стратегиа цаашид уялдуулж, худалдаа, хөрөнгө оруулалтын хамтын ажиллагаагаа эрчимжүүлж, боомтын холболт, уул уурхай, усан цахилгаан станц зэрэг дэд бүтцийн бүтээн байгуулалтын хамтын ажиллагааг ахиулна” гэсэн байна.
Энэ үеэр Ерөнхий сад Л.Оюун-Эрдэнэ хэлэхдээ, “Монгол Улс нэг Хятадын бодлогыг тууштай баримталж, бие биеийнхээ язгуур ашиг сонирхолд нийцсэн асуудлаар харилцан хүндэтгэж, дэмжихэд бэлэн байна.
Монгол Улс Хятад улстай эрчим хүч, хот төлөвлөлт, цөлжилттэй тэмцэх зэрэг салбарт харилцан ашигтай хамтын ажиллагаагаа гүнзгийрүүлж, хиймэл оюун ухаан, ногоон хөгжил, хүний нөөц зэрэг шинэ салбарт хамтын ажиллагаагаа хөгжүүлэхэд бэлэн байна” гэжээ.
Д.ЖАРГАЛМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.