ЗГХЭГ-ын дэд даргын суудлаас “мултарсан” Н.Цагаанхүү МИАТ-ийн дотоод аудитор болжээ

МАН 2020 оны УИХ-ын сонгуульд ялсныхаа дараа ковидын хуулийг баримтлан, агентлагийн дарга нарын томилгоог сонгон шалгаруулалтгүй шууд явуулсан. Энэ хүрээнд өнгөрөгч наймдугаар сарын эхээр Эрчим хүчний дэд сайдаар асан Т.Гантулгыг МХЕГ-ын даргаар улс төрийн хүрээнд тохирч,  томилсон байдаг.

Улмаар Т.Гантулгад ажлаа өгсөн Н.Цагаанхүүг ЗГХЭГ-ын дэд даргаар томилох тохироо хийгдсэн ч Л.Оюун-Эрдэнэ дэмжихээс татгалзсан гэх мэдээлэл бий. Тиймээс Н.Цагаанхүү “МИАТ” ТӨХК-ийн Коммер эрхэлсэн дэд захирал суудалд очихоор лоббидож эхэлсэн талаар улс яригдаж байв. Гэвч уг албан тушаалд томилогдох асуудал нь нааштай шийдэгдээгүй тул “МИАТ” ТӨХК-ийн Дотоод аудитороор өнгөрсөн сард томилогдсон байна.

Д.Цагаанхүү нь 1 тэрбум гаруй төгрөгийн авлига авсан оймсчдыг шууд удирдлагаар хангаж байсан. Тэдний авлига авах замаар олгож байсан зөвшөөрлүүдэд эцсийн байдлаар гарын үсэг байсан хэдий ч хуулийн ямар нэгэн хариуцлага хүлээхгүй үлдсэн нь анхаарал татдаг. Тэрбээр  оймсчдын сайн найз, УИХ-ын гишүүн Ш.Раднаасэдийн дэмжлэгээр МХЕГ-ын даргаар томилогдож байсан нэгэн юм.

МАН-ын зүгээс  энэ мэт “бүтэхгүй” түүхтэй хүмүүстээ өртэй мэт загнаж, албан тушаалын бялуу хуваалтад заавал оруулдаг нь том агуулгаараа  намын нэр хүндэд нь сөрөг нөлөө үзүүлсээр байгаа юм.

Энэ мэдээнд өгөх таны үнэлгээ

Хуваалцаарай Жиргээрэй