НАМЗХ-ны генсект Л.Оюун-Эрдэнийн хүнийг унагаж, Н.Учралын найзыг томилжээ

МАН-д дотоод зодоон үүсч эхэлжээ. Тодруулбал, өчигдөр /2021.07.29/ МАН-ын НАМЗХ-ын Удирдах зөвлөлийн хурал болсон. Уг хуралдаанаар НАМЗХ-ны Ерөнхий нарийн бичгийн дарга Б.Пүрэвдагва НИТХ-ын төлөөлөгч, намын газрын даргаар очсон тул түүний орны хүнийг тодруулсан юм.

МАН-ын дарга Л.Оюун-Эрдэнэ бодлогоор Б.Золбадралыг, НАМЗХ-ны залуус дотроосоо Э.Очирбаярыг нэр дэвшүүлжээ. Гэвч энэ хоёрын аль аль нь НАМЗХ-ны гишүүдийн дэмжлэгийг авч чадахгүй зөрчилдөөн үүссэн байна.

Улмаар УИХ-ын гишүүн, НАМЗХ-ны Ерөнхийлөгч Н.Учрал НАМЗХ-ны хяналтын хорооны дарга Б.Оргилыг нэр дэвшүүлж, Ерөнхий нарийн бичгийн даргын үүрэг гүйцэтгэгчээр томилуулсан аж. Одоо түүнийг МАН-ын Бага хурлаар жинхлэх эсэхийг хэлэлцэнэ.

Ерөнхийлөгч У.Хүрэлсүхийн хүргэн Б.Пүрэвдагвын халааг авч буй Б.Оргилын хувьд улстөрийн тодорхой намтар түүхгүй нэгэн аж. УИХ-ын гишүүн Б.Энх-Амгаланг Хан-Уул дүүргийн намын дарга байхад НАМЗ-ын даргаар ажиллаж байжээ. Мөн УИХ-ын гишүүн Н.Учралын найз гэдгээс өөр тодорхой мэдээлэлгүй байна.

Энэ мэдээнд өгөх таны үнэлгээ

Хуваалцаарай Жиргээрэй