А.Отгонбаатар: "Монполимет" группийн Ц.Гарамжавыг зургаан үндэслэлээр АТГ-т шалгуулна

"Үнэн ба зөв" намаас мэдээлэл хийлээ.

Тус намын дарга А.Отгонбаатар, "Үнэн ба зөв" нам улсынхаа байгалийн баялгийг бүх иргэддээ тэгш хүртээхийн төлөө явж байгаа. Энэ бол бидний гол зорилгын нэг учраас энэ хүртэл тууштай явж байна. Бид 30 гэр бүл гэж яригдаж байгаа гэр бүлүүдийн талаарх мэдээллүүдийг хүргэж байгаа. Анх Цагаан суваргын ордыг эзэмшиж байгаа 100 хувь өөрийн болгож, хууль бусаар авсан Н.Номтойбаярын гэр бүлийн тухай мэдээлж хууль шүүхийн байгууллагад өгсөн. Газар дээр нь очиж ард түмэнд харуулсан.

Ингээд бид АТГ-т өгөхөд АТГ хэргээ үүсгээд шалгyулъя гэсэн ч нийслэлийн прокурорын тогтоолоор Н.Номтойбаяр гэдэг хүнд хэрэг үүсгэх үндэслэлгүй гэдэг шийдвэр гаргасан. Монголд хууль хүчний байгууллагатайгаа нийлж хулгай хийдэг жишиг тогтсон байна. Ингэж чадаагүй жирийн иргэн 10-20 жилийн ял авч байна. Харин чадсан хүмүүс нь ордонд орж байна. Нэг ёсондоо хууль гаргаж хулгай хийдэг зам руугаа явж байна.

Монголчууд "хэрээ 100 жил байсан ч хар хэвээрээ, хэрэг мянган жил болсон ч хуучнаараа" гэж ярьдаг. Тиймээс Н.Номтойбаярын энэ хэргээр бид дахиад цаашаа явна. мартахгүй. Үүний дараагийн буюу 30 гэр бүлийн нэгийг шалгуулахаар өнөөдөр АТГ-т дахин хандана. "Монполимет" буюу УИХ-ын гишүүн асан Ц.Гарамжавын компанийн хууль бус үйл ажиллагааны талаар мэдээлэл өгөх гэж байна.

1998 онд эднийх Төв аймгийн Заамар, Булган аймгийн Бүрэгхангай сумын нутагт орших Орхон голын сав газар байрлах буюу Тосонгийн дэнж, Тосонгийн голдирол гэх хоёр газар шороон ордыг эзэмшсэн. Энэ ордыг авахдаа 1997 онд Канадын нөхрөөс хууль бусаар авсан байгаа юм. Ингэж авчхаад урт нэртэй хууль гэдгийг уландаа гишгэж ажилласан. Ингээд байгаль эх дэлхийгээ сүйтгээд асар их хөрөнгийг эндээс хууль бусаар олж авсан. Улмаар 2012 онд дэд сайн болонгуутаа энэ ордынхоо үйл ажиллагааг хууль бусаар эхлүүлж, ухсан.

Энэхүү ордын Европын сэргээн босголтын банканд 165 сая ам.доллароор 2012 онд барьцаанд тавьж хөрөнгө босгосон. Ингээд 10, 20 жилийн дараа би баялаг бүтээгч, баян хүн гэдэг мэдээллийг нийтэд цацдаг. Ухаад харах юм бол уул усаа ухсан, ард түмнийхээ боломжийг дээрэмдсэн ийм л хүмүүс байгаа юм. Тиймээс дараах таван зүйлээр Ц.Гарамжавыг АТГ-т шалгуулах хүсэлтийг гаргаж байна.

1. Монполимет группийн үүсгэн байгуулагч Ц.Гарамжав нь урт нэртэй хуулийг зөрчиж гол мөрний урсац бүрэлдэх, эг усны сан бүхий газрын хамгаалалтын бүс, ойн сан бүхий газарт алт олборлох үйл ажиллагааг явуулж ирсэн байна.
2. Урт нэртэй хуулиар тус компанийг үйл ажиллагаа явуулахыг зөвшөөрсөн ч 2012 оноос хойш үйл ажиллагаагаа явуулсан. Ц.Гарамжав нь Эрчим хүчний дэд сайдаар томилогдон ажиллах үедээ албан тушаалаа урвуулан ашиглаж өөрт давуу байдал үүсгэн дээрх тусгай зөвшөөрлийн үйл ажиллагааг сэргээж дахин эхлүүлсэн байх магадлалтай байна.
3. Тухайн орд газрыг Монполимет хууль бусаар шилжүүлэн авсан байж болзошгүй байна.
4. Хөгжлийн банкнаас 65 сая ам.долларын зээл аваад энэ мөнгөөрөө АНУ-д өндөр үнэтэй зэрэглэлийн хаус худалдаж авсан гэх мэдээлэл гардаг. Үүнийг бас шалгуулна.
5. Дээрх байдлыг үүсгэсэн Монполиметийг эрүүгийн хуулийн 22.1 дүгээр зүйлээр Эрх мэдэл албан тушаалаа урвуулан ашиглаж өрд түмний боломжийг хулгайлж үндэслэлгүйгээр хөрөнгөжсөн байж болзошгүй.
6. Одоо мөн шинээр ашигт малтмалын зөвшөөрөл авч алт олборлохоор зэхэж байгаа гэдэг мэдээлэл энэ бүсэд яригдаж байна. Тиймээс энэ бүгдийг бид шалгуулахыг хүсэж байна" гэлээ.

Энэ мэдээнд өгөх таны үнэлгээ

Хуваалцаарай Жиргээрэй