"Дэглүүлсэн гэх хоёр цэргийн хэргийг шалгаж дуустал түр өөр ангид байрлуулж байгаа"

Сүхбаатар аймгийн Эрдэнэцагаан суман дахь хилийн цэргийн 0146 дугаар ангийн эрүүл мэндийн төвийн эмч нар хилийн салбаруудад үзлэг хийж яваад 2024 оны I ээлжээр татагдсан хоёр хугацаат цэргийн өвдсөнийг илрүүлсэн. Улмаар тухайн хоёр цэргийг Улаанбаатар хотод авч ирж, Цэргийн тусгай алба хаагчдын эмнэлэгт хагалгаанд орсон билээ.

Эл хэрэгт холбогдуулан бид хоёр цэргийг хариуцаж буй Төрийн тусгай алба хаагчдын эмнэлгийн эмчтэй уулзаж, өвчний талаар тодруулж байсан юм. Дэлгэрэнгүйг ЭНД ДАРЖ харна уу.

Мөн цэргүүд мэс засалд орж, хагалгаа нь амжилттай болсон. Тэдний ар гэрийнхний зүгээс цэргүүд буцаж очвол ямар нэгэн байдлаар дарамт шахалтад орж магадгүй учраас халуулах хүсэлт тавьсан. Улмаар цэргүүдийн асуудлаар Хил хамгаалах байгууллагынхан хоёр цэргийн ар гэртэй уулзаж ярилцаж байгаа талаар бид Хил хамгаалах байгууллагаас тодруулан хүргэсэн.

Тэгвэл цэргүүдийн одоогийн нөхцөл байдлын талаар бид Хил хамгаалах байгууллагаас тодруулахад, Хоёр цэргийн хагалгаа амжилттай болж, эмнэлгээс гарсан. Цэргүүдийн асуудлыг цагдаагийн байгууллагаас шалгаж байгаа учир хоёр цэргийг одоогоор ангид нь буцаалгүй Хилийн цэргийн 0164 дүгээр анги буюу төвд байлгаж байгаа. Цагдаагаас үүсээд буй асуудлыг шалгаж дуусахаар шилжүүлэх эсэх талаар хэлэлцэнэ” гэлээ. 

Энэ мэдээнд өгөх таны үнэлгээ

Хуваалцаарай Жиргээрэй