АНУ-ын ерөнхийлөгчийн сонгууль ирэх долоо хоногийн мягмар гарагт /2024.11.05/ явагдана. Тэгвэл Бүгд найрамдах намаас дэвшиж буй Доналд Трамп, Ардчилсан намаас нэр дэвшиж буй Камала Харрис нар лхагва гарагт /2024.10.30/ бие биеэ шүүмжилсэн байна.
Трамп Висконсин мужийн Грийн Бэй хотод улбар шар өнгийн цацруулагчтай хантааз өмсөөд, хог тээвэрлэх машин жолоодсон юм. Ингэхдээ тэр “Байден өөрөөсөө ичих хэрэгтэй” хэмээн Харрис ч мөн буруутай, өөрийг нь дэмжигчид хог биш гэсэн байна. Трамп АНУ-ын Ерөнхийлөгч Жо Байден мягмар гарагт /2024.10.29/ хэлсэн үгэнд хариу өгсөн нь энэ. Байден Трампыг дэмждэг хүмүүсийг хог хэмээн шүүмжилсэн юм.
Харин Дэд ерөнхийлөгч Харрис Хойд Каролина мужид кампанит ажил хийж байхдаа сонгогчдыг Трампын эсрэг зогсохыг уриалсан байна. Тэрбээр “Хэрвээ тэр сонгогдвол эхний өдөр оффис руугаа Доналд Трамп дайснуудынхаа жагсаалтыг барьж орно. Харин би сонгогдвол хийх ажлын зүйлсийн жагсаалтаа авч орно” гэжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.