Гэрлээгүй эмэгтэй ажилтнаа “Нүүрээ будуул” гэж хэлснийг БНСУ-ын шүүх бэлгийн дарамт гэж үзжээ
Төрийн байгууллагын удирдах албан тушаалтан эмэгтэй ажилтантай хувийн ярилцлага хийх үеэрээ “Нүүрээ будуул” гэж хэлснийг БНСУ-ын шүүх бэлгийн дарамт гэж үзжээ.
Тодруулбал, нэгэн төрийн байгууллагын бизнес төлөвлөлтийн хэлтсийн дарга ноён А нь бэлгийн дарамт, бэлгийн хүчирхийлэлтэй тэмцэх хороог хариуцдаг хэдий ч доод албан тушаалын эмэгтэйд хандан “Чиний царай бараан байна. Нүүрээ будаад гоёчих” гэж хэлсэн байна.
А нь бас өөр нэг эмэгтэй ажилтныг машинаараа хүргэж өгөхийг хэд хэдэн удаа санал болгосон ч татгалзсаных нь хариуд нударгаараа эд зүйлс цохиж бухимдлаа илэрхийлж байжээ.
Эдгээр асуудлаар үйлдвэрчний эвлэлийн гишүүд хэвлэлийн мэдээ тарааж улмаар ажлаас нь чөлөөлж, харин А Сөүлийн хөдөлмөрийн харилцааны хороо, Хөдөлмөрийн харилцааны төв комисст тусламж хүссэн боловч хүлээж аваагүй тул шүүхэд ханджээ.
Шүүх А-г ажлаас чөлөөлсөн нь үндэслэлтэй гэж үзсэн байна. Ингэхдээ “Гэрлээгүй эмэгтэй ажилтны гадаад төрхийг үнэлж хэлэх нь бэлгийн харилцааны үг хэллэг, зан авир ” гэж үзжээ.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ийм л айхтаар үг хүртэл хууль дүрмээрээ шийдэгддэг айхтаар орон байх гэж хууль дүрэмээ дээдэлдэг
Манайх ийм болдоггүй юмаа гэхэд хууль дүрэмээ баян ядуу гэж алаг үзэн эдлүүлэхээ болчихоосой
wow huuli duremiig ingej l morddog ym baina
Zuw zuw