ДЭЛХИЙ
Шинзо Абэгийн халдлага: Хамгаалагчид дүрмээрээ ажиллаагүйг тогтоожээ
Ерөнхий сайд асан Шинзо Абэгийн амь насанд халдсан хэргийг Японы хууль хяналтын байгууллага мөрдөн шалгаж байгаа талаар бид өмнө нь мэдээлсэн. Тэгвэл мөрдлөгийн явцаас бие хамгаалагчдын үйл ажиллагаанд хийсэн шалгалтын талаарх мэдээллийг өчигдөр ил болгожээ.
Мөрдөх багийнхан халдлага үйлдэгдсэн нөхцөл байдлыг шалгаад тухайн үед үүрэг гүйцэтгэж байсан бие хамгаалагчид чухал (VIP) хүнийг галт зэвсгийн халдлагаас хамгаалахад баримталдаг дүрмийг дагаж мөрдөөгүй болохыг тогтоосон байна. NHK агентлаг энэ талаар мэдээллээ.
Ерөнхий сайд асан Шинзо Абэ өнгөрсөн баасан гаригт Нара хотод сонгогчидтой уулзах үедээ 41 настай Тецуя Ямагами гэгчид араасаа буудуулж амиа алдсан юм. Мөрдөх ажиллагаа үргэлжилж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.