Хуситуудын удирддаг Йемений засгийн газрын Ерөнхий сайд Ахмад Галеб аль-Рахви амь үрэгдсэн талаар тус бүлгийн улс төрийн дээд зөвлөлийн тэргүүн Махди аль-Рашат бямба гарагт /2025.08.30/ мэдэгджээ. Йемений нийслэл Санаад Израилын арми цохилт өгсний улмаас засгийн газрын хэд хэдэн сайд амь үрэгдсэн гэж аль-Рашат хэлсэн юм.
Израилын тал баасан гарагт /2025.08.29/ мэдэгдэл хийхдээ Хусит бүлгийн штабын дарга, батлан хамгаалахын сайд болон бусад өндөр албан тушаалтныг онилж цохилт өгсөн гэжээ. Батлан хамгаалахын сайд амь насаар хохирсон хүмүүсийн дунд байсан эсэх талаар аль-Рашат үг хэлээгүй юм.
Аль-Рахви жил гаруй хугацааны өмнө ерөнхий сайдаар томилогдсон. Түүнийг хүмүүс хуситуудын удирдагчдын ойр тойрны холбоотнуудын нэг биш гэж боддог байсан юм. Одоо түүний орлогч Мохаммед Мифтах засгийн газрын дефакто ерөнхий сайдаар ажиллаж байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.