Корнеллын их сургуульд суралцдаг байсан Монгол оюутан хүчингийн хэрэгт буруутай нь тогтоогджээ
АНУ-ын Корнеллын их сургуульд суралцдаг байсан Э овогтой Б нь хүчин болон хулгайн хэрэг үйлдсэн гэм буруутай гэж тогтоогджээ. “The Cornell Daily Sun” сонин мэдээлснээр тангарагтны шүүх долоо хоног хуралдсаны эцэст арваннэгдүгээр сарын 24-нд түүнийг гэм буруутай гэж үзсэн байна.
Корнеллын их сургуулийн цагдаагийн алба (CUPD) өнгөрсөн жил мэдээлснээр түүнийг 2024 оны есдүгээр сарын 12-нд Итакагийн цагдаагийн албатай хамтран баривчилжээ. 2024 оны есдүгээр сарын 1-нд Корнеллын кампус дээр болсон хүчингийн хэргийг мөрдөн шалгасны үр дүнд түүнийг баривчилсан гэж “CUPD” мэдэгдсэн юм.
Нью Йорк мужийн хуульд хүчингийн хэргийг B ангиллын хүнд гэмт хэрэг гэж үздэг. Тэрбээр тус хэргээр 25 хүртэл жил хорих ял сонсож магадгүй. Тус мужийн хуулийн дагуу B ангиллын хүнд гэмт хэрэг үйлдсэн хэрэгтнүүдэд дор хаяж таван жил хорих ял оноох ёстой байдаг аж. Түүнд ял оноох шүүх хурлыг 2026 оны хоёрдугаар сарын 24-ний өдөр товложээ.
Эх сурвалж: The Cornell Daily Sun
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Өө ямар харамсалтай хэрэг вэ? Үсийг нь зулгартал гачаалдахгүй муу байнаа
Эх орныхоо нэрийг бузарласан мунхаг амьтан!!!