Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв шатахууны нөхцөл байдалтай холбоотойгоор дараах мэдээллийг өглөө.
Тэрбээр, "8-р сарын 3-ны шөнийн байдлаар 49 вагон АИ-92 төрлийн бүтээгдэхүүн Дархан өртөө болон Улаанбаатар хотод буусан. Түгээлтийг 24 цагийн турш хийж хэрэгжүүлж байгаа. Мөн нэмэлтээр 24 вагон бензин өнөө орой бууна.
Орон нутагт нөхцөл байдал хэвийн болохоор байгаа. Нөөц багассантай холбоотойгоор доголдол бий болж, нэг дор олон автомашин дугаарлах юм бол удаан хугацаагаар дугаарлах шаардлага үүсээд байгаа учир тэгш, сондгойгоор борлуулах 15 хоногийн горимыг хэрэгжүүлэхээр шийдвэрлэсэн. БНХАУ болон ОХУ, БНСУ-аас авах бүтээгдэхүүний захиалга баталгаажсан учир нийлүүлэлт тасралтгүй үргэлжилнэ.
Хятадаас 1000 тонн бүтээгдэхүүн буусны араас өнөө орой 2000 тонн дизель түлш, 2000 тонн онгоцны түлш ачигдахад бэлэн болоод байна" гэв.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.