“Коронавирусийн 18 халдвар нэмэгдэж, батлагдсан тохиолдол 473 боллоо”
ЭМЯ-наас ээлжит мэдээллээ хийлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа мэдээлэл өглөө.
Тэрбээр “Өглөөний мэдээллээс хойш коронавирусийн 18 шинэ тохиолдол илэрч Монгол улсад батлагдсан нийт 473 боллоо. 2020.11.18-ны 11.00-17.00 цагийн хооронд халдварын голомтод хийсэн товч судалгаа, шинжилгээний ажлыг танилцуулья. Нийт 963 хүнд коронавирусийн шинжилгээ хийхэд 18 хүнд коронавирусийн халдвар илэрсэн. Үүнд ХӨСҮТ-ийн вирус судлалын лаборатори 556 хүнээс нэг хүн. Энэ нь эмнэлгийн ажилтан байсан. Дархан-Уул аймгийн вирус судлалын лабораторид 348 хүнд шинжилгээ хийхэд 4 хүн, Сэлэнгэ аймгийн вирус судлалын лабораторид 59 хүнд шинжилгээ хийснээс 13 хүнээс тус тус илэрлээ. Эдгээр хүмүүс нь батлагдсан хүмүүсийн ойрын хавьтлаас илэрсэн болно” гэв.
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.