Өнөөдөр үдээс өмнөх чуулганы нэгдсэн хуралдаанаар ҮХЦ-ийн 2021 оны 02 дугаар дүгнэлтийг хэлэлцэж эхэлсэн. Уг дүгнэлтээр Ерөнхийлөгчийн сонгуулийн тухай хуулийн зарим зүйл заалтууд нь Үндсэн хууль зөрчиж байна гэж үзсэн.
УИХ-ын гишүүд асуулт асууж, хариулт авч дууссаны дараа байнгын хорооны дүгнэлтээр санал хураалт явуулахын өмнө УИХ-ын гишүүн, АН-ын бүлгийн дарга Д.Ганбат хэлэлцэх асуудалд тав хоногийн завсарлага авахыг хүссэн. Харин УИХ-ын дарга Г.Занданшатар өнөөдрийн 16.00 цаг хүртэл завсарлага олгосон.
Тэгвэл үдээс хойших хуралдаан үргэлжилж, завсарлагын хугацаа дуусч Цэцийн дүгнэлтийг хүлээн авах эсэхээр санал хураалт явуулах гэхэд “Дээрх завсарлагын хугацааг сунгаж, гурав хоногоор хойшуулж өгнө үү” гэсэн хүсэлтийг УИХ дахь АН-ын дарга Д.Ганбат дахин гаргалаа.Тиймээс АН-д гурав хоног биш нэг цагийн завсарлага өглөө.
Ингэснээр 17:16 минутад чуулган дахин хуралдаж, Цэцийн дүгнэлтийг хүлээн авах эсэхээр санал хураалт явуулахаар боллоо.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.