ДЭЛХИЙ
Ухань хот цар тахлаас болж нэг дүүргээ бүхэлд нь тусгаарлалаа
БНХАУ-ын Ухань хотын Цянься дүүрэгт өчигдөр орой ковид19 өвчний дөрвөн тохиолдол илэрсэн тул дүүргийн эрх баригчид нутаг дэвсгэрээ хотоос бүхэлд нь тусгаарлажээ.
Цянься дүүрэгт оршин суудаг 970 000 гаруй хүн ийнхүү тусгаарлагдсан байна.
Дүүргийн удирдлагууд хүн ам төвлөрсөн бүсүүддээ гурав хоногийн хугацаанд хяналт шалгалтыг үлэмж чангатгах аж. Сургууль цэцэрлэг, ресторан баар, кино театрыг хааж, урлаг соёл, шашны үйл ажиллагагааг зогсоожээ.
Нийтийн тээврийн үйлчилгээг зогсоож, иргэдэд зайлшгүй тохиолдол биш бол дүүргээс гарахыг хориглосон байна.
Хэвлэлд гарсан мэдээллээс үзвэл, өөр дөрвөн дүүрэг мөн эрсдэл дунд зэргийн үнэлгээтэй, тусгаарлагдах магадлал өндөр байгаа гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.