Энэ оны 1-р сарын 16-ны өдөр Монголбанкны Мөнгөний бодлогын хорооны ээлжит бус хуралдаанаар өр, орлогын харьцааны дээд хязгаарыг 45 хувиар шинэчлэн тогтоох шийдвэр гаргасан.
Уг өөрчлөлтийн араас Санхүүгийн Зохицуулах хороо зээлийн хэт өсөлт, өрийн дарамт, цахим зээлийн давхардлыг багасгахыг үүрэг болгов.
Өөрөөр хэлбэл нэг иргэн хэд хэдэн зээлийн аппликэйшн дээр зээлтэй тохиолдолд энэ нь орлогын 45 хувиас их байх ёсгүй учир үүнийг жигдлэх шийдвэр гаргасан гэсэн үг. Иргэдийн зүгээс одоогийн зээлээ дараад зээлийн хэмжээгээ ахиулж авах хүсэлт явуулах боломжгүй болсон талаар цахим сүлжээнд хуваалцаж буй. Энэ нь зээлийн хэмжээг хязгаарлах, буюу нэг иргэний хэт олон давхардсан зээлийг багасгаж буй гэж ойлгож болно.
Харин Санхүүгийн зохицуулах хороо банк бус санхүүгийн байгууллагын олгох хэрэглээний зээлийн өр, орлогын харьцааг 55 хувиас хэтрүүлэхгүй байхаар тогтоосон.
Түүнчлэн бараа, бүтээгдэхүүнийг олгохдоо хэрэглэгчийн төлбөрийн чадварыг бодитоор үнэлэх нь иргэдийг өрийн дарамтад орохоос сэргийлэхэд чухал ач холбогдолтой гэж үзэж буй.
Санхүүгийн Зохицуулах хорооноос сүүлд гаргасан мэдэгдэлдээ орлого нотлохгүйгээр зээлийн үйлчилгээ үзүүлж буй нь иргэдийн төлбөрийн чадварыг харгалзахгүйгээр ийм үйлчилгээ үзүүлэх нь өрийн дарамт үүсгэх, санхүүгийн болон сэтгэл зүйн хүнд байдалд оруулах, улмаар өрхийн орлого болон худалдан авах чадварт сөргөөр нөлөөлөх эрсдэлтэй гэдгийг онцолжээ.
Иймд цаашид өр орлогын харьцааг барьж зээл олгох, аппликэйшний зээлүүдийг хумих зэргээр шийдвэрүүд хэрэгжихээр байна.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Банк бусыг дэмжсэн шийдвэр байна. Банк 45, ббсб нь 55 хувь байхаар чинь хүн ббсб-с өндөх хүүтэй зээл авах юм бишүү
Ard irgediig ulam l hvnd baidald oruulj bn daa . Arai uur shiidver gargaachee. Deer ni ene har dans gedeg zuil bvr l hvmvvsiin amidrald gai bolj bn zeelee uchnuun hvvtei tulj bhd eniig bolih heregtei
Зээлнээс айдаггүй хүмүүс олширчээ
Банк бус мандан бадраг банк бус зээлийн хүү 2.8*12=34% банк 2*12=24% өр орлогын харьцаа банк45% ббус 55% энэ иргэдээ бодоогүй шийдвэр
Барьцаа нь байж байхад энэ өр орлогын харьцаа ямар хэрэгтэй юм.