6 жилийн өмнөөс мал маллаж эхэлсэн Х.Эрдэнэбулганыг Н.Учралын хөдөө аж ахуйн зөвлөхөөр томилжээ
Булган аймгийн Хангал сумын малчин, сэтгүүлч Х.Эрдэнэбулган Ерөнхий сайд Н.Учралын Хөдөө аж ахуйн зөвлөхөөр томилогджээ.
Түүнийг 2024 оны УИХ-ын сонгуулиар малчдын төлөөлөл болж МАН-ын жагсаалтаар орж ирэх гэж буй талаар мэдээлэгдэж байсан бөгөөд өнгөрсөн гуравдугаар сарын 1-нд Эх орончдын өдөр буюу Монгол Ардын намын 105 жилийн ойгоор тус намд элсэж батлахаа гардан авсан билээ.
Түүний хувьд малчин иргэний амьдралын загвар болж яваа нийгмийн идэвхтэй дүр. Сэтгүүлч мэргэжилтэй тэрбээр зургаан жилийн өмнөөс мал дээр гарч амьдрах болсон. Малын тоо биш чанар чухлыг хөндөж, монголын бэлчээр нутаг талхлагдан хомстож байгааг сануулж, ярьдаг болсон хүмүүсийн нэг.
Сүүлд "Ерөнхий сайдын дэвшүүлсэн "Эдийн засаг, ногоон чөлөөлөлт"-ийн бодлого малчдад хэрэгтэй гэж бодож байна. Малчин хүний үйлдвэрлэж буй бүтээгдэхүүн хамгийн үнэ цэнтэй, эрэлттэй гэдгийг олж харж буй нь сайшаалтай " хэмээн ярьжээ.
Н.Учралын бусад зөвлөхүүдийн талаар дараах линкээс унших боломжтой.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.