Уг нь 2025 оны улсын төсөв өөрөө хэмнэлтийн төсөв байв. Ингээд 2026 оны төсөв ч мөн сайтар хэмнэж, зардлуудаа танахаас аргагүй болсон.
Гэтэл Ерөнхий сайд Н.Учрал оны гуравдугаар улирал эхлэх гэж байхад, ирэх жилийн төсөв боогдохын өмнө “хэмнэ, тана, цуцал” гэж үүрэгдлээ. Яг бодит байдал дээр хэн хэмнэж өнөөдрийг хүрэв гэвэл монголчууд.
Махны үнэ кг тутамдаа өссөөр европын чинээлэг орны хэмжээнд бид мах, хүнсний өргөн хэрэглээний бараа бүтээгдэхүүнээ худалдаж авдаг болж байна.
Энэ сараас ус, дулаан, тог цахилгааны үнэ чимээгүйхэн өсөж, намраас иргэдийн цалин дээр санхүүгийн ачааллууд ирэхээр болчихсон. Үнэндээ хөргөгчөө дүүргэнэ гэдэг монголчуудад сорилт, цаашид баршгүй даваа болох шинжтэй.
Инфляц 13 хувь руу дөхөж байхад иргэд хэмнэж, зээлж байж л амьжиргаагаа залгуулсаар энэ хүрч байхад дарга, сайд нар нь зунжин аймгуудын наадам, төрийн тахилгууд хэсэж явав. Зарим нь гадаадад.
Уг нь төр хэмнэлтийн горимдоо байгаа л гэж бодтол Ерөнхий сайд нь мэдээгүй бололтой. Явж явж төрийн албан хаагчдын томилолтуудыг цуцлах, зайнаас ажиллуулах гэдэг шийдвэр танилцуулж, эцэстээ хэмнэх гэдэг нь сайд, дарга нарыг тойрсоор.
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Одоо Барилгын 100 жил яах юм бол