Х.Нямбаатар Хотын даргын үүрэгт ажлаа өгснөөс хойш гадаадад курст сурж, баяр наадмын дараа эх орондоо ирсэн. Нутагтаа амарч, будаатай цай чанаж, Хэнтий аймгийн нутгийн зөвлөлөө төлөөлж бөхчүүдийг шагнаад ч амжив. Үүний дараа Ерөнхий сайд Н.Учрал тэргүүтэй намынхаа нөхдөд хандаж пост нийтлэх болсон. Харин хамгийн сүүлийн пост нь Ерөнхийлөгчид хандсан үг байсан бол, энэ удаа Я.Содбаатар, Э.Бат-Амгалан нарыг 500 сая төгрөгөөр пэйж худалдан авч өөрийнх нь эсрэг мэдээлэл цацуулж буй талаар дурдлаа.
Тухайлбал, "Төрөөс төрсөн тэрбумтнууд: Хэн хуулиас дээгүүр байж болох вэ" гэх нийтлэлд Х.Нямбаатарын зураг, "Туулын хурдны зам"-тай холбоотой агуулга нийтлэгджээ. Түүнээс гадна бас бус хүмүүсийг ч энд дурдаж.
Тус нийтлэлийг түгээсэнд Х.Нямбаатар "Энэ пэйжийг Манай намын ерөнхий брокер Я.Содбаатар, Барилга хот байгуулалтын саад Э.Бат-Амгалан нар луйварчин Сакуна гэгчээс 500 сая төгрөгөөр авсан. Зөвхөн намайг харлуулах гэж. Жинхэнэ төрөөс төрсөн тэрбумтангуудаа зүгээр байхад зүгээр л байгаарай. Та нөхдийн бузрыг ярьвал далай далай шүү. Эрдэнэт, Таван толгой………….!" гэх байр суурийг сошиал хаягаараа илэрхийлсэн байна.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.