Өчигдөр баривчлагдсан С.Молор-Эрдэнийг 1 сар үргэлжлүүлэн хорих эсэхийг 13:30 цагт шийднэ
Ерөнхийлөгчийн сонгуульд нэр дэвшихээ зарласан С.Молор-Эрдэнийг шалгах чиглэлийг ХЗДХ-ийн сайд С.Амарсайхан өгснөөр хуулийнхан мөрдөн шалгаж эхэлсэн.
Чиглэл өгсөн шалтгаан нь, Түүний жилийн өмнө "Томокогийн найз" нэртэй подкастад орох үеэрээ Монголын түүх, Чингис хааны тухай ярьсан агуулгатай холбоотой байв.
Улмаар өчигдөр |2026.09.01|-нд ТЕГ-аас түүнийг баривчилж, өнөө өглөө баривчилгааг хүчинтэй болгох эсэх шүүх хурал Дүүргийн эрүү, иргэний хялбар ажиллагааны анхан шатны шүүхэд болж баривчилгааг хүчинтэйд тооцсон байна.
Мөн С.Молор-Эрдэнийг үргэлжлүүлэн хорих саналыг холбогдох хуулийн байгууллагаас шүүхэд ирүүлсэн бөгөөд нэг сар үргэлжлүүлэн цагдан хорих эсэхийг өнөөдрийн 13:30 цагт, Дүүргийн эрүү иргэний анхан шатны тойргийн шүүхэд хэлэлцэх юм байна.
Хэрхэн шийдвэрлэгдэх талаар бид эргэн мэдээлэх болно.
О.ОНОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Шалгах баривчлах хүмүүс их л байна даа.Арай ч дээ Амраа.
энэ улс сошайлаар л ажлаа хийдэг болж дээ