АН 4/11 ээлжит мэдээллийн цагаараа мах болон өргөн хэрэглээний бараа бүтээгдэхүүний үнийн өсөлт, инфляцын асуудлыг хөндлөө. Тухайлбал, О.Цогтгэрэл " дарга "Манай намын гишүүдээс эрх баригч Засгийн газарт хариуцлага хүлээлгэх ёстой гэдэг байр сууриа илэрхийлсээр байгаа. Нэгт, Засгийн газар АН-ын бүлгийн гишүүдийн Батлан хамгаалахын сайд Д.Батлутад хариуцлага тооцох саналыг үл тоосон. Хоёрт, эрх баригчдын нэг нэгээрээ гарч ирээд мэдээлэл хийгээд байсан авлигын хэргүүд хаачив. Н.Учрал авлигатай хийх тэмцэл хоосон амлалт боллоо. Иргэдийн амьдрал доройтож, эдийн засаг "халуунтай" байна. Халуурлын шалтгаан болсон үрэвслийг эмчлэхгүй, халууны эмээр аргалаад яваад байгаа. Тиймээс АН-ын Бодлого судалгааны байгууллагын зүгээс татварын иж бүрэн шинэчлэлийг урьдчилсан байдлаар танилцуулъе " гэв.Тодруулбал, Таван 5" бодлогын хүрээнд таван татварыг 5 хувь болгох гэнэ.Үүнд:
- НӨАТ
- Гаалийн татвар
- Цалингийн орлогын албан татварыг дээд хэмжээ 5-с хэтрэхгүй байх
- ААНОАТ-тай холбоотой ноогдол ашгаа авч шинээр хөрөнгө оруулалт оруулах зэрэг татваруудыг тус тус 5 хувь болгох аж.
Харин УИХ-ын гишүүн С.Эрдэнэболд "Засгийн газар энэ чигээрээ муу ажилласаар байвал, эрх баригчид популизм хийсээр байх юм бол дараа жил эдийн засаг улам хүндэрч, Монголын ард түмэн хоосон ястай үлдэнэ. Хоосон гоё уриа дэвшүүлж, элдэв зүйлийг чөлөөлнө гэж ярьдаг. Дарга нарынхаа тансаглалыг чөлөөлж, хариуцлага бйадалд арга хэмжээ авч цэгцлээч. МАН өөрсдөө ёс суртахууны үнэт зүйл гаргаад бид засаглаж чадахгүй нь гэдгээ хэлбэл АН Засгийн газраа байгуулаад ажиллаж чадна. Түүнээс биш дуртай үедээ Засагт уриад, дургүйгээ хүрэхээр хөөж гаргадаг байдлыг хүлээн зөвшөөрөхгүй" хэмээлээ.
Д.ХАДААН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.