Өнөөдөр 09:00 цагаас Х.Нямбаатарыг хотын даргаар ажиллаж байх үеийн нийслэлийн төсвийн зарцуулалтыг хянах ерөнхий сонсгол хийхээр товлосон. Одоогоор ирц бүрдээгүй тул сонсгол эхлээгүй байна. Сонсголын ажлын хэсэгт 30 хүн багтсанаас 14 нь ирж, ирц 46.7 хувьтай байгаа юм. Одоогоор хотын шинэ дарга Б.Пүрэвдагва, нэгдүгээр орлогч Б.Мөнхбат нар ирээд буй.
Тодруулбал, УИХ-аас Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт холбогдох хууль тогтоомжид нийцсэн байдал" сэдэвт ерөнхий хяналтын сонсголыг зохион байгуулахаар болсон.
Сонсгол энэ сарын 15, 16-ны даваа, мягмар гарагт хоёр өдөр Төрийн ордонд үргэлжилнэ. УИХ-ын гишүүн Ж.Золжаргал сонсголыг даргалах бол Ажлын хэсгийн ахлагчаар УИХ-ын гишүүн Д.Энхтүвшин ажиллана. Энэхүү сонсголд 100 гаруй хүн оролцоно.
Д.ХАДААН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.