Сэрэмжлүүлэг: Орон нутгаас мах тээвэрлээд хөдөлсөн иргэний машин замдаа цасанд суужээ

Дорноговь аймгийн Дэлгэрэх сумаас Улаанбаатар хотын чиглэлд тус сумын харьяат 54 настай малчин Б  “Маяти” загварын ачааны автомашинаар мах тээвэрлээд хөдөлжээ.

Гэсэн ч тэрбээр  өчигдөр орой 23:30 цагийн орчимд  автомашин нь цасанд сууж, эвдэрсэн гэж ар гэрийнхэнтэйгээ холбоо бариад сураггүй болсон байна. Энэ тухай дуудлагыг энэ сарын 21-ний өдрийн 01:20 цагт хүлээн авч, тус аймгийн Онцгой байдлын газрын Эрэн хайх, аврах бүлгийн алба хаагчид, Дэлгэрэх сумын Засаг даргын Тамгын газрын ажилтнууд 03:12 цагаас эрэн хайх ажиллагааг зохион байгуулжээ. Харин тухайн иргэн 06:05 цагт малчин Б-д явганаар эсэн мэнд ирсэн тухай ар гэрийнхэн нь аймгийн Онцгой байдлын газарт мэдэгдсэн тул эрэн хайх ажиллагааг зогсоожээ.

Иймд иргэд та бүхэн хол замд явах бол машин тэрэгний бүрэн бүтэн байдлыг шалгаж, нарны эртэд хөдлөөрэй.

Э.СИЙЛЭН

Энэ мэдээнд таны өгөх үнэлгээ

Хуваалцах Жиргэх