ЭМЯ-наас мэдээлэл хийлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа мэдээлэл өглөө.
Тэрбээр “2020 оны 11-р сарын 28-нд вирус судлалын лабораториудад 9513 хүнд PCR шинжилгээ хийхэд 24 хүний шинжилгээнээс коронавирус илэрлээ.
Нэг нь тир машины жолоочоос илэрсэн. Улаанбаатар хотод 5 тохиолдол бүртгэгдлээ. Нэг нь өмнө нь халдвар авсан хүний ойрын хавьтлын давтан шинжилгээ. Дөрвөн хүн нь гэр бүлийн ойрын хавьтлын тусгаарлалтад байсан хүмүүсээс илэрлээ. Ингээд Улаанбаатарт 75 тохиолдол боллоо.
Сэлэнгэ аймагт 7 тохиолдол бүртгэгдлээ. Гурван гэр бүлийн ойрын хавьтлаас илэрлээ. Ингээд нийт 174 боллоо.
Дархан-уул аймагт нийт 9 тохиолдол бүртгэгдлээ. Нийт 44 тохиолдол боллоо. Орхон, Говьсүмбэр, Дорноговь аймагт нэмж бүртгэгдээгүй.
Архангай аймагт хоёр тохиолдол бүртгэгдлээ.Халдвар бүртгэгдэж байгаа бариа заслын үйлчилгээтэй холбоотой тандалт хийхэд Батцэнгэл суманд ойрын хавьтал байсныг илрүүлсэн. Энэ хүн бариа заслын эмнэлгээр үйлчлүүлсэн байна. Архангай аймгийн Батцэнгэл суманд хөл хорио тогтоож, шуурхай штабын бүрэлдэхүүн тэнд ажиллаж байна. Ихтамир суманд ойрын хавьтлууд нь очсон учраас мөн тус сумыг хөл хорионд оруулаад байна” гэв.
