УЛС ТӨР

У.Хүрэлсүхийн найз Б.Энх-Амгалан “Монгол Цэргийн Нэгдсэн Холбоо”-г тэргүүлж байна

Улсын бүртгэлийн дата мэдээлэлд “Монгол Цэргийн Нэгдсэн Холбоо” НҮТББ нь Батцэнгэлийн Энх-Амгалан гэх иргэний нэр дээр бүртгэлтэй байна. Эл бүртгэлийг гүүгл орчин дахь мэдээлэлтэй тулгаж үзвэл, Ерөнхий сайд асан У.Хүрэлсүхийн ахлах зөвлөхөөр ажиллаж байсан Б.Энх-Амгалан цэргийнхний ТББ-ыг ахалдаг нь батлагдаж буй юм.

Түүнчлэн 2019.03.14-нд үүсэн байгуулагдсан уг ТББ-ын үйл ажиллагаанд Ерөнхий сайд асан У.Хүрэлсүхийн зөвлөх, ажлын албаныхан идэвхтэй ажилласаар иржээ. Мөнхүү байгуулагдаад сар ч хүрээгүй байхдаа Төрийн ордонд анхны чуулганаа хийж, тэргүүнээрээ У.Хүрэлсүхийг томилсон байдаг.

Тус холбоонд 20 гаруй цэргийн чиглэлээр үйл ажиллагаа явуулдаг ТББ нэгдсэн гэдгийг албан мэдээллүүддээ онцолдог. Зүгээр л нэг ТББ байсан бол томоохон форумууд хүртэл хэдэн сарын өмнөөс захиалгаа баталгаажуулж, хурал чуулганаа хийдэг Төрийн ордны танхимыг шуудхан авчихгүй.

Тэгэхээр анхнаасаа эл ТББ-тай У.Хүрэлсүхийнхэн гүн холбоотой байсан нь тодорхой байна. Одоо ч У.Хүрэлсүхийн хамгийн итгэлт найз албан ёсоор тэргүүлж, тамга тэмдгийг нь атгадаг аж.

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

4 Сэтгэгдэл

  1. Нөгөө Амг####ан-Энх гэж нэрээ өөрчилдөг хүн чинь шүү дээ. Тамхины наймааны нэрийн жагса####танд

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button