Болгарын Ерөнхийлөгч Парламентаа тарааж, ээлжит бус сонгууль зарлалаа
Болгарын Ерөнхийлөгч Румен Радев өнөөдөр /VIII.01/ парламентаа тарааж, ээлжит бус сонгууль зарлалаа. БНТ теле суваг энэ талаар мэдээллээ.
“Ерөнхийлөгч Румен Радев зарлиг гаргаж, 47 дугаар Ардын хурлыг 2022 оны наймдугаар сарын 2-ноос татан буулгалаа. Ээлжит бус чуулганыг ирэх аравдугаар сарын 2-нд зарлаж байна” гэж Ерөнхийлөгчийн ажлын албанаас гаргасан албан мэдээлэлд дурдсан байна.
Румен Радев дараагийн Засгийн газар байгуулагдах хүртэл үүрэг гүйцэтгэх түр Засгийн газар байгуулах тушаалыг мөн гаргажээ.
"Има такъв народ" /махчилбал “Ийм ард түмэн байдаг” гэсэн үг/ намын дарга Славе Трифонов өнгөрсөн сарын 8-ны өдөр өөрийн намын сайд нараа Ерөнхий сайд Кирилл Петковын танхимаас татсанаар тус улсад улс төрийн хямрал нүүрлэж эхэлсэн юм.
Ерөнхийлөгч Румен Радев Засгийн газартаа хандаж, ОХУ-тай харилцах харилцаагаа эргэж харахыг хүссэн ч К.Петков өөрийнх нь байр суурь ганхсаныг эс харгалзан ОХУ-ын ЭСЯ-ны 70 ажилтныг хөөх зэрэг үйлдэл гаргасан тул Румен Радев ард түмнээсээ дпэмжлэг хүсэн танхимаа тарааж байгаа юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.