БНХАУ-ын Тэнгисийн цэргийн болон нисэх хүчин Тайвань арлын ойролцоо ирэх пүрэв гарагаас ням гараг хүртэл хамтарсан цэргийн сургуулилт хийх болсон талаар тус улсын БХЯ-наас мэдээллээ.
Сургуулилт нь байршлын хувьд Тайванийн хойд, баруун өмнөд, зүүн өмнөд хэсэгт буюу бүсэлсэн байдалтай явагдах юм байна. Зарим эх сурвалжийн мэдээлснээр, огноо нь пүрэв гаригт гэж байгаа ч өнөөдөр шууд эхлүүлэх гэнэ.
Бээжин өмнө нь өнгөрсөн сарын 29, 30-ны өдрүүдэд Фужянь орчимд цэргийн сургуулилт хийж, хоёр зөөгч хөлөг онгоцоо Тайванийн ойролцоо аваачсан юм.
Харин Тайвань улс байлдааны өндөржүүлсэн бэлэн байдал зарлаж, ард иргэд нь бөмбөгдөлтөөс хоргодох байранд нүүн шилжих сургалт явуулж байв.
Тайваньд 12 сая хүний багтаамжтай 4.6 мянган хоргодох байр байдаг аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.