НАСА саран дээр аварга хөлөг буулгана
АНУ-ын Сансрын уудмыг шинжлэн судлах төв /НАСА/ “Шинэ сар” /SLS Block1/ нэртэй 100 метр урт аварга хөлгийг сар руу хөөргөхөөр бэлтгэж байна. Анхны нислэгийг энэ сарын 29-нд Флорида дахь Кеннедийн нэрэмжит сансрын төвөөс үйлдэхээр товложээ.
Анхны нислэг учир нисгэгчгүй хөөргөнө. Амжилттай болсон тохиолдолд 50 жилийн дараа анх удаа саран дээр хүн буулгах зорилтоо ажил хэрэг болгох юм байна.
Хөлгийг мягмар гаригийн орой /Монголын цагаар лхагва гаригийн өглөө/ үйлдвэрээс нисэх талбай руу зөөж эхэлсэн бөгөөд 1 км/цаг хүрэхгүй хурдтайгаар явж буй тул 6.7 км зайд орших нислэгийн талбайд хүртэл 9-10 цаг зарцуулах төлөвтэй байгаа аж.
Хүн төрөлхтөн анх удаа саран дээр хүн буулгасны 50 жилийн ой ирэх арваннэгдүгээр сард тохионо. НАСА-гийн хувьд энэхүү түүхт ойг угтсан хамгийн чухал ажил нь “Шинэ сар” хөлгийн анхны нислэг болж байна. НАСА энэхүү нислэгээрээ сарыг эзэгнэх амбийцтай “Артемис” хөтөлбөрөө мөн нээж байгаа юм. Артемис нь эртний Грекийн домгийн бурхан Аполлоны ихэр эгч, сарны дара эх юм.
НАСА эл хөтөлбөрөө амжилттай хэрэгжүүлж сарыг эзэмшвэл 2030 оноос Ангараг руу ахихаар төлөвлөж байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.