Дуучин PSY-ийн "Summer Swag 2022" тоглолтын тайзыг буулгаж байсан 20 настай монгол залуу өндрөөс унаж нас барсан хэрэг өнгөрсөн сарын 31-ний өдөр гарсан талаар бид тухайн цаг үед нь мэдээлсэн билээ. Тэгвэл БНСУ-ын Хөдөлмөрийн яамнаас уг тоглолтыг зохион байгуулсан “P-Nation” энтертайнмент компанийг шалгаж эхэлжээ. Уг компанийг PSY өөрөө үүсгэн байгуулсан юм.
Шалгалтыг “Хөдөлмөрийн аюулгүй байдал хангаагүй орчин нөхцөлд цаг агаарын тааламжгүй байдлыг үл харгалзан ажиллуулсан” гэдэг үндэслэлээр явуулж байгаа аж.
БНСУ-ын “Үйлдвэрийн аюулгүй байдал, эрүүл ахуйн тухай” хуульд бороо, цас болон цаг агаарын бусад тогтворгүй нөхцөл байдалд ажлыг зогсоох ёстой гэж заасан байдаг аж. Хөдөлмөрийн яам P-Nation-ыг хуулийн энэ заалтыг зөрчсөн гэж үзсэн бөгөөд өнөө өглөө 09.30 цагийн орчимд Сөүлийн өмнөд хэсэгт байрлах төв оффисс болон туслан гүйцэтгэгч компаниудынх нь байранд үзлэг шалгалт явуулжээ.
Хэргийн талаар эргэн сануулахад, Ганвон хотын Ганнюн цэнгэлдэх хүрээлэнгийн гэрэлтүүлгийн цамхагийг буулгаж байсан ажилтан, 20 настай монгол залуу өнгөрсөн сарын 31-ний ням гаригийн 15.53 цаг орчимд 15 метр өндрөөс унаж, эмнэлэгт хүргэсэн ч гэмтлээ даалгүй нас барсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Эвийдээ ????, монгол залуусыг минь эх орондоо тайван сайхан амьдрах нөхцөлөөр хангах төр засаг хэрэгтэй байна