Азийн боксын холбоо энэ оны насанд хүрэгчид, өсвөр үеийнхний Ази тивийн АШТ зохион байгуулах хотуудын нэрийг зарлалаа.
Насанд хүрэгчдийн тивийн АШТ ирэх аравдугаар сарын 30-наас арваннэгдүгээр сарын 13-ны хооронд Йорданы Амман хотод, өсвөрийн АШТ ирэх арваннэгдүгээр сарын 27-ноос арванхоёрдугаар сарын 4-нд Иракийн Сулеймания хотод зохиогдохоор болсон байна.
Өнгөрсөн жил насанд хүрэгчдийн тивийн АШТ Арабын нэгдсэн Эмиратын Дубай хотод болоход Казахстаны баг тамирчид найман алт, зургаан мөнгө, хоёр хүрэл медаль хүртсэн амжилтаар тэргүүлж, Узбекистан, Монголын (ОУХМ Х.Энх-Амар, МУГТ Э.Цэндбаатар, ОУХМ Б.Чинзориг нар жиндээ түрүүлсэн) багууд удаалж байв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.