АНУ-ын Сансрын уудмыг шинжлэн судлах төв /НАСА/ “Space Launch System” /SLS Block1/ нэртэй 100 метр урт аварга хөлгийг сар луу хөөргөхөөр бэлтгэж байгаа талаар бид өмнө нь мэдээлсэн билээ. Хөлгийг Флорида дахь Кеннедийн нэрэмжит сансрын төвөөс өнөөдөр хөөргөнө.
Өмнө нь мэдээлсэнчлэн, хөлгийн анхны нислэг учир энэ удаа нисгэгчгүй хөөргөж, амжилттай болсон тохиолдолд 50 жилийн дараа анх удаа саран дээр хүн буулгах зорилтоо ажил хэрэг болгох юм.
Хүн төрөлхтөн анх удаа саран дээр хүн буулгасны 50 жилийн ой ирэх арваннэгдүгээр сард тохионо. НАСА-гийн хувьд энэхүү түүхт ойг угтсан хамгийн чухал ажил нь “Space Launch System” хөлгийн анхны нислэг болж байна. НАСА энэхүү нислэгээрээ сарыг эзэгнэх амбийцтай “Артемис” хөтөлбөрөө мөн нээж байгаа юм. Артемис нь эртний Грекийн домгийн бурхан Аполлоны ихэр эгч, сарны дарь эх юм.
НАСА эл хөтөлбөрөө амжилттай хэрэгжүүлж сарыг эзэмшвэл 2030 оноос Ангараг руу ахихаар төлөвлөж байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.