Францын теннисчин Фиона Ферро дасгалжуулагч Пьер Бутейрээ хүчингийн хэрэгт буруутгажээ. “Ле Фигаро” сонин энэ талаар мэдээллээ.
Теннисчин энэ жил 25 настай бөгөөд хүчирхийллийн хэрэг харин түүнийг 15-18 настай байх үед үйлдэгдсэн гэнэ. Харин Пьер Бутейр энэ мэдэгдлийг үгүйсгэж, “Сайн дурын үндсэн дээр бэлгийн харилцаанд ордог байсан” гэсэн байна. Фиона Ферро энэ асуудлаар өнгөрсөн хоёрдугаар сард Цагдаад гомдол гаргаад байсан аж. Хуулийн байгууллага одоо П.Бутейрт хүчирхийлүүлсэн өөр хохирогч байгаа эсхийг тогтоохоор ажилдлаж байгаа аж. Хэрвээ өөр хохирогч гарч ирвэл 20 жил хоригдох ч магадлалтай хүнд хэргээр эрүү үүсэх эрсдэлтэй болжээ.
Фиона Ферро дэлхийн чансаанд 259 дүгээрт бичигддэг, ганцаарчилсан төрөлд WTA-ийн хоёр тэмцээнд түрүүлсэн тамирчин аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.