ДЭЛХИЙ
“Ноттингем форест” 21 шинэ тоглогч авч дээд амжилт тогтоолоо
Английн хөлбөмбөгийн Премьер лигийн “Нотингем форест” баг энэ зун 21 шинэ тоглогч авч, солилцоо наймааны нэг “цонх”-оор хамгийн олон тоглогч авсан дээд амжилтыг шинэчлэн тогтоолоо.
Тус баг өнгөрсөн улиралд “Чемпионшип” дивизионд сайн тоглож, энэ улирлаас Премьер лигт эргэж ирээд буй юм. Өмнөх дээд амжилтыг “Кристал Пэлас” 2013 онд, 17 шинэ тоглогч авчирсан үзүүлэлтээр тогтоож байжээ. “Ноттингем”-ийн авчрах шинэ тоглогч 21-ээр ч хязгаарлагдахгүй бөгөөд Серж Орьег авчрах төлөвлөгөөтэй байна. М.Батшуайг “Челси”-гээс зээлээр авахаар тохирсон ч Лондоны баг цонх хаагдахаас өмнө бичиг баримтаа бүрдүүлж чадаагүй аж.
21 тоглогчоос Морган Гиббс Уайтыг хамгийн үнэтэй авсан бөгөөд үнийн дүн нь 42.5 сая фунтэд хүрчээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.