Канадын Саскачеван мужид хутгатай этгээдүүд халдлага үйлдэж, 10 хүн хөнөөж, 15 хүн шархдуулсан хэрэг гарч иргэдийг айдаст автуулаад байна. Хэрэгтнүүд одоо болтол баригдаагүй байгаа нь олон нийтийн айдас түгшүүрийг улам нэмж байгаа аж.
Одоогоор гэмт этгээдүүдийн халдлагад өртсөн гэх хохирогчид 13 өөр газраас гараад байна. Дээрх халдлагуудын улмаас 10 хүн амиа алдаж, 15 хүн шархаджээ. 13 газрын дийлэнх нь Канадын уугуул индианчууд оршин суудаг Жеймс Смит, Уэлдон тосгонд байжээ.
Дахиад өөр газар, өөр хохирогчид гарч ирэхийг цагдаагийнхан үгүйсгэхгүй байгаа бөгөөд иргэдэд анхааруулга өгч, халдлага үйлдсэн байх магадлалтай сэжигтнүүдийн зургийг олон нийтийн хэвлэл мэдээллийн хэрэгслээр цацаж байна.
Сэжигтнууд нь 31 настай Дэмиэн Сандерсон, 30 настай Майлз Сандерсон нар бөгөөд бүрэн зэвсэглэсэн, одоо хүртэл сул чөлөөтэй яваа тул иргэдэд онц аюултай хэмээн анхааруулж байна. Тэднийг хамгийн сүүлд Уэлдоноос өмнө зүгт 280 км-т байх Реджайн мужийн нутагт харсан гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.