АНУ-ын Ерөнхийлөгч асан Доналд Трамп 2024 оны Ерөнхийлөгчийн сонгуульд өрсөлдөх эсэхээ ойрын үед шийднэ гэж мэдэгдлээ. NDTV телевизэд ярилцлага өгөх үедээ тэрээр сэтгүүлчийн асуултад ингэж хариулсан байна.
“Намайг өрсөлдөөсэй гэж бүгд хүсч байгаа. Санал асуулгаар миний нэр хүнд БНН дотроо ч, Ардчилсан намынхнаас ч өндөр байна. Хэрвээ өрсөлдвөл олон хүн сэтгэл хангалуун байх болно. Ганц хоёр хүн л баярлахгүй байх” гэж тэрбээр өгүүлжээ.
Эрх баригч Ардчилсан намыг дэмжигчдийн дунд явуулсан саяхны санал асуулгаар 67 хувь нь одоогийн Ерөнхийлөгч Жо Байденыг улираасай гэж хүсэхгүй байгаа нь тодорхой болсон. Санал асуулгад оролцогчдын 33 хувь нь нас өндөр гарсан, 32 хувь нь ажлаа явуулж байгаа байдал нь хангалтгүй, 12 хувь нь хэн ч байсан хамаагүй, өөр шинэ удирдагчийг хүсч байна гэсэн шалтгаан хэлсэн байсан юм. Санал асуулгад оролцогсдын 33 хувь нь л одоогийн Ерөнхийлөгчийн ажилд сэтгэл хангалуун явдгаа илэрхийлжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.