Номхон далайн Маршаллын арлуудын нэгийг худалдаж авч, түүн дээрээ улс байгуулахыг санаархсан хятад эхнэр, нөхрийн хэрэг олон улсын анхааралд ороод байна.
Тэд аралдаа автономит эрх олж авахын тулд Маршаллын арлуудын хууль тогтоогчдод хахууль өгч байсан гэх бөгөөд тэдний лоббигоор арлын улсын Парламент 2018, 2020 онд энэ асуудлыг хэлэлцэж байсан гэнэ.
Тэд санасандаа хүрэхэд ойрхон байсан бололтой, Вашингтоны шууд оролцоотойгоор 2020 онд Тайландад баривчлан саатуулсан бөгөөд сая АНУ-д шилжүүлж өгснөөр олон улсын анхааралд орсон нь энэ аж.
Маршаллын арлууд нь АНУ-ын харьяанд байгаад 1979 онд тусгаар тогтнолоо олсон улс. Хятад хосын аралд автономит эрх өгөх ажил “Автономит муж бий болсноор улсыг гадаад руу хандах гарц нэмэгдэнэ” гэсэн суртал ухуулгын дор өрнөж байжээ. Гэвч энэ нь АНУ-ын эрх ашгийг ямар нэг байдлаар хөндсөн учир хөндлөнгөөс оролцсон гэж харагдаж байгаа юм.
АНУ Кэри Ян, Жина Чоу нарыг арлын улсын бүрэн бүтэн байдалд халдсан, хүсэлтээ дэмжүүлэхийн тулд Маршаллын арлын Парламентын гишүүдэд 7000-12 000 ам.долларын авлига өгсөн гэж буруутгаад байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.