Энэ сарын 8-ны өдөр таалал болсон Их Британийн хатан хаан Елизавета II-ыг оршуулах ёслол дэлхийн түүхэнд томд тооцогдох олон улсын шинжтэй үйл явдал болох нь тодорхой болоод байгаа билээ. Британийн Гадаад харилцааны яам энэхүү ёслолд улс, улсаас маш цөөн төлөөлөгч урьж, 19-нд болох оршуулах ёслолд зөвхөн төрийн тэргүүнүүдийг тэргүүн хатагтай нартай нь л оролцуулах болсон талаар бид өмнө нь мэдээлсэн. Гэсэн ч АНУ-ын Ерөнхийлөгч Жо Байденаас авахуулаад маш олон улсын төрийн тэргүүнүүд оролцох нь тодорхой болоод буй.
Тэгвэл тус яам ээлжит гэнэтийн бэлгээ барьж, төрийн тэргүүнүүдийг хувийн онгоцоор биш, энгийн иргэний агаарын тээврийн онгоцоор ирэхийг шаарджээ. Мөн Англид ирсэн хойноо хувийн машин хөлөглөхгүй, нийтээрээ автобусаар үйлчилнэ гэсэн байна. Аюулгүй байдал талаас байж болшгүй мэт энэхүү мэдээллийг ВВС агентлаг өнөөдөр цацсан юм.
"Politico"-д бичсэнээр, гадаадын хэт олон нүсэр зочин ирж хотыг нь түгжрэлд оруулах вий гэсэндээ ингэж шийдсэн гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.