Белград хотноо болж буй бөхийн төрлүүдийн ДАШТ-ий эмэгтэйчүүдийн 53 кг-ын жинд оролцсон залуу тамирчин Батхуягийн Хулан Белградын дэвжээнд урамтай сайхан барилдаж, алтан медалийн төлөө барилдахаар боллоо. Манай бөх хагас шигшээд Шведийн бөх Эмма Малмгренийг цэвэр ялж аваргын төлөө шалгарсан юм.
Б.Хулан өнөөдөр тэгшитгэлд 2019 оны ДАШТ-ий хүрэл медальт, Жакарта 2018 Азийн наадмын аварга Энэтхэгийн бөх Винеш Погаттай таарч 7:0 оноогоор, Шөвгийн наймд Казахстаны Жульдыз Эшимоваг 3:0, Азербайжаны Лейла Гурбановаг 4:1 оноогоор хожиж хагас шигшээд Эмма Малмгрентай барилдах эрхээ авсан юм. Маргааш АНУ-ын Доминик Пэрриштэй аваргын төлөө барилдана.
50 кг-ын жинд өрсөлдсөн ОУХМ Г.Отгонжаргал аваргын төлөө барилдахаар болсныг бид өмнө нь мэдээлсэн билээ.
Өнөөдөр Монголын баг тамирчдад ээлтэй байж, барилдсан дөрвөн бөхөөс хоёр нь ийнхүү алтан медалийн төлөө барилдахаар боллоо.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.