Дөнгөж сая ЭМЯ-наас шинэ коронавируст халдварын талаарх 17.00 цагийн ээлжит мэдээллээ өгсөн. Үүгээр 11.00 цагийн мэдээллээс хойш нийт найман тохиолдол шинээр бүртгэгдсэн талаар мэдэгдсэн билээ.
Тэгвэл тус найман тохиолдол дотор жолооч Д-гийн ойрын хавьтлын хоёр хүн багтаж байна. Тодруулбал түүний ахынх нь эхнэр, хүүхэд хоёроос коронавирус илэрчээ.
Харин энэ тухай Эрүүл мэндийн сайд асан, өдгөө БОАЖ-ын сайд Д.Сарангэрэл, “Мэдээллээ нууж гэр бүл, хамаатан саднаа бүгдийг нь эрсдэлд оруулна гэдэг хэтэрхий хариуцлагагүй үйлдэл. Караокед орсноо хэлээгүй л гэнэ. Бодит үнэнийг хэллээ гээд барьж хорино гэж үү дээ. Эх орон элгэн саднаа хайрлая” хэмээн бичжээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.