Нийгмийн
Ж.Амгалан: Маргаашнаас иргэний болоод автомашины хөдлөгөөнийг хорино
УОК-оос цаг үеийн нөхцөл байдлын талаар мэдээллээ. Энэ үеэр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, Цагдаагийн хурандаа Ж.Амгалан мэдээлэл өглөө.
Тэрбээр “Өнөөдөр замын хөдөлгөөн эрс нэмэгдсэн. Өөрөөр хэлбэл, 30 мянга орчим машин нэмэгдлээ. Маргаашнаас иргэний болоод автомашины хөдлөгөөнийг хорино. Тиймээс цагдаа нарын тавьсан шаардлагыг биелүүлж, онцын шаардлагагүй бол хөдөлгөөнд оролцохгүй байхыг хүсье. Мөн маргаашнаас Төрийн албан хаагчдын 15-20 хувь нь ажилдаа ирнэ. Ажилдаа ирэхдээ албаны үнэмлэхээс гадна, ажиллаж байгаа нь үнэн гэсэн бичигтэй байх ёстой” гэв.
