БСШУ-ны сайд Л.Цэдэвсүрэн үдийн цайнаас хэмнэсэн мөнгийг хөл хорионы үед дотуур байрны оюутнуудын хоол хүнс, маск, ариутгал халдваргүйжилтэд зарцуулж байгаа хэмээлээ.
Тэрбээр "Их дээд сургуулийн дотуур байранд 11 мянга гаруй оюутан залуус байна. Танхимын сургалтыг танхимын бус хэлбэр рүү шилжүүлэн хичээл орж байна. Үүнийг хичээл орохгүй байна гэж яримааргүй байна. Дотуур байранд ч онлайнаар оюутнууд хичээлээ үзэж байна. Тэднээс асуумж авч дотуур байрандаа үргэлжлүүлэн амьдрах бол амьжиргааны эх үүсвэр хаанаас байна, эцэг эх нь хоол хүнсээр хангах боломжтой эсэхийг судалж байна. Цар тахлын улмаас бүх нийтийн бэлэн байдалд шилжсэн нь гэнэтийн үйл явдал байлаа.Үүний улмаас ялангуяа дотуур байрны оюутнууд хоол хүнсний дутагдалд орох эрсдэл үүслээ. 12-р сарын нэгнээс хойш УОК ямар шийдвэр гаргахыг харгалзан өвлийн амралтын үеэр орон нутгийн оюутнуудыг гэртээ харих боломжоор хангахаар ажиллаж байна” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.