Саудын Арабын нэрт дипломатч Мухаммед аль Кахтани өнөөдөр Египетийн Каир хотноо болж буй Араб-Африкийн орнуудын чуулга уулзалтад илтгэл тавьж байх үедээ ухаан алдан унаж, улмаар нас баржээ.
Түүнийг ухаан алдсан даруйд эмч нар анхны тусламж үзүүлсэн ч амь насыг нь аварч чадаагүй аж. Дипломатчийг нас арах үед эхнэр нь дэргэд нь байжээ. Үхлийн шалтгаан одоогоор тодорхойгүй байна.
“Бурхантай цэвэр ариун сэтгэлтэй уулзагсдаас өөр хэнд ч ямар ч үнэ цэнэ байхгүй...” гэсэн нь түүний сүүлчийн үгс байжээ. Тэрээр илтгэлдээ Египетийн Ерөнхийлөгч, Саудын Араб, АНЭ-ын хааныг магтаж, засаглалын жилүүддээ алан хядлага болон бусад сөрөг үзэгдлүүдийг гаргаж байгаагүй хэмээн ярьж байсан аж.
Чуулга уулзалтыг Бичиг баримтыг хуурамчаар үйлдэхээс сэргийлэх, тэмцэх байгууллагаас зохион байгуулсан бөгөөд дипломатчийн гэнэтийн үхэлтэй холбоотойгоор шууд зогсоосон байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хөөрхий дөө Бурхан минь Хүн хэзээ ч ингээд явж болох юм даа Хүмүүнлэг байцгаая