Киргиз улсын нийслэл Бишкек хотноо ШХАБ-ын гишүүн орнуудын Засгийн газрын тэргүүн нарын зөвлөлийн өргөтгөсөн хуралдаан 2023 оны аравдугаар сарын 25-26-ны өдрүүдэд болно.
Энэхүү хуралдаанд Монгол Улсын Ерөнхий сайд Л.Оюун-Эрдэнэ оролцохоор төлөвлөж байна. Энэ үеэрээ тэрбээр, БНХАУ-ын Төрийн зөвлөлийн Ерөнхий сайд Ли Чян-тай уулзах юм.
Энэхүү уулзалтын бэлтгэл ажил болгож, Гадаад харилцааны сайд Б.Батцэцэг өчигдөр /2023.10.16/ Бээжин хотноо ХКН-ын Төв хорооны Улс төрийн товчооны гишүүн, Гадаад хэргийн сайд Ван И-тай уулзсан байна.
Ташрамд, ШХАБ-ын гишүүн орнуудын Засгийн газрын тэргүүн нарын зөвлөлийн өргөтгөсөн хуралдаан нь жил бүр зохион байгуулагддаг. 2021 онд Казахстанд, 2022 онд БНХАУ-д цахим хэлбэрээр зохион байгуулагдсан хуралдаанд Ерөнхий сайд Л.Оюун-Эрдэнэ үг хэлж байсан билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.