Улаанчулуутын хогийн цэгт эмнэлгийн аюултай хог хаягдал ил задгай хаягдсан талаар мэдээлэл гарсан. Энэ дагуу нийслэлийн Цагдаагийн удирдах газар, НМХГ-аас хяналт шалгалт хийжээ.
Тодруулбал Улаанбаатар хотын эрүүл мэндийн байгууллагын аюултай хог хаягдал устгалын төвлөрсөн байгууламжууд болох “Элемент” ХХК, “ “Элемент медикал” ХХК-иудын үйл ажиллагаанд Мэргэжлийн хяналтын байгууллагаас өдөр бүр хяналт тандалт хийж байна.
Тус компаниуд 2020 оны 12 дугаар сарын 15-ны өдөр 277 эмнэлэг, эм хангамжийн байгууллага, 3 тусгаарлан ажиглах байр, 15 түргэвчилсэн оношилгооны цэг, Буянт-Ухаа боомт дахь ХМХА-наас гэсэн газруудаас 4622.3 кг хог хаягдал тээвэрлэж, цуглуулсан байна.
Хог хаягдлын бүтцээр авч үзвэл эрүүл мэндийн байгууллагаас 4083.4 кг /хурц үзүүртэй, эмгэг хог, эмийн болон эсэд хортой, бусад халдвартай/, тусгаарлах байрнаас 97.9 кг, PCR шинжилгээний 285.2 кг, онгоц, карго ачаа тээврийн 82.3 кг хог хаягдал цуглуулжээ. Улмаар цуглуулсан 4548.8 кг хогийг устгасанаас 3265 кг хогийг халдваргүйжүүлсний дараа булж, 1283.8 кг хог хаягдлыг шатаах зууханд шатааж устгасан байна.
Түүнчлэн "Элемент медикал ХХК 12.08-ний өдөр 196.3 кг эмнэлгийн хог хаягдлын хүлээн авч, зарим хэсгийг ил задгай хаясан зүйл тогтоогджээ. Ингэхдээ тухайн компанийн жолооч хог хаягдлыг ариутгал хийлгэлгүй, бутлалгүй, ил задгай хаясан байсан аж. Энэ хэргийг цагдаагийн байгууллагад хэрэг бүртгэлтийн хэрэг нээгдэж, шалгагдаж байна. Энэ хэргийг шалгаад тухайн алба хаагчид ямар хариуцлага тооцох асуудал тодорхой болох аж. Гэхдээ ковидтой холбоогүй хог хаягдал бөгөөд говийн аймгуудаар шинжилгээ хийхэд гарсан эд зүйлс байжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.