Мэргэжлийн хяналтын улсын байцаагчид энэ сарын 4-ний өдрөөс эхлэн Хан Уул, Баянгол дүүргийн гэр хорооллын нутаг дэвсгэрт түүхий нүүрс хэрэглэсэн, чанарын шаардлага хангахгүй түлш худалдан борлуулж, хадгалж байгаа эсэхэд хяналт шалгалт хийж байна.
Одоогоор Хан-Уул дүүргийн 13 хорооны 392 өрх, Баянгол дүүргийн 8 хорооны 138 өрхөөр хяналт шалгалт хийгээд байна.
Шалгалтын явцад гурван өрхийн түлж, хадгалж байсан 5 тн түүхий нүүрсийг битүүмжиллээ. Зөрчил гаргасан аж ахуйн нэгж байгууллага, иргэнд Агаарын тухай хууль, Зөрчлийн тухай хуулийн холбогдох заалтын дагуу торгуулийн арга хэмжээ авна.Иргэд, аж ахуйн нэгж Та бүхэн хууль тогтоомжоо сахин биелүүлж, эрүүл аюулгүй орчинд амьдрах үйл хэрэгт хамтран ажиллахыг мэргэжлийн хяналтын байгууллагаас уриалж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зунжин түүхий нүүрс цуглуулсаар байгаад одоо түлж байгаа биз. УБ тэр чигээрээ утаа л байна. Ийм хүмүүсийн лай шд.