“Энх саран” сувилалд 21 хоног тусгаарлагдан гарснаас хойш дөрөв дэх хоног дээрээ коронавирусийн халдвар авсан нь батлагдсан иргэн Д-гийн ойрын хавьтал болох эхнэр, ээж, дүү нарынх нь шинжилгээ эерэг гараад буй. Дүү Э нь МУБИС-ийн гуравдугаар түвшний оюутан бөгөөд сургуулийн орчинд олон нийтийг хамарсан хэд хэдэн үйл ажиллагаанд оролцсон нь ил болсон.
Тэгвэл өнөөдөр МУБИС-ийн оюутны II байранд хөл хорио тогтоож, орох гарах хөдөлгөөнийг хязгаарлажээ. Халдвартай нь батлагдсан оюутан Э тус байранд амьдардаг байсан гэдэг мэдээлэл байна.
Тус сургуулийн нэг, хоёрдугаар түвшний хоёр оюутнаас мөн халдвар илэрч, зургаан оюутан халуурсан байдалтай ХӨСҮТ-д хандсан тухай мэдээлэл хэвлэлийн байгууллагуудаар хөвөрсөн. Удахгүй УОК хийгээд Засгийн газар хуралдаж дуусаад мэдээлэл хийхдээ уг мэдээллийн үнэн мөнийг эцэслэх юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.