ЭМЯ-ны мэдээллийн үеэр коронавирусээр өвчилсөн хүмүүсийн эмчилгээний талаар мэдээлэл өглөө.
ХӨСҮТ-ийн захирал Д.Нямхүү “Монгол Улсад дотооддоо халдвар олон тоогоор нэмэгдэж байна. Хөнгөн, хүнд, дунд зэрэг гэдэг ангиллаар эмчилж байна. ДЭМБ-аас гаргасан зөвлөмж дагаж байна. Мөн эмч нарын өөрсдийн ур чадвар, мэдрэмжээр эмчилж байна.
Вирусийн эсрэг эмнүүд, сүүлийн үед ремдесевир гээд маш үнэтэй эм авсан. Дэлхий нийтэд яг одоо хэрэглэж байгаа эмийг хоцролгүй цаг хугацаандаа татаж авсан. Тиймээс бүр нарийн эмчилгээний тайлбар өгөх зохимжгүй.
Хүн бүрийн хувийн биеийн байдалд тохируулж, нийцүүлж эмчилгээ хийдэг. Биеийн эсэргүүцлийг сайжруулах, дархлаа дэмжих эмчилгээ хийнэ. Хоёрдугаарт эмчилгээг дандаа лабораторийн суурь хяналтад хийдэг. Үр нөлөө нь ямар байгааг хянаж явдаг. Тиймээс эмчилгээ оновчтой явж байна гэж үзэж байна. Хүнд хүмүүсээ алдахгүй байхаар онцгой анхаарч байна.
Эмчилгээний зардал нэг хүнд 6.7-8.9 сая төгрөг гэж тооцож гаргасан. Эм, оношлуур, шинжилгээ, компьютер томографи хийнэ. Мөн эмч, сувилагч, үйлчлэгч, ариутгагчийн өмсөж байгаа хувийн хамгаалах хэрэгслийн үнэ ч багтаж байна. Уушгийг хянадаг рентген шинжилгээ хийнэ” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.